Aparatın strukturu
Təyyar İbrahimov Taptıq oğlu
Təyyar İbrahimov Taptıq oğlu
Azərbaycan Respublikası Dövlət Gömrük Komitəsinin Mərkəzi Gömrük Eksperizasının rəisi, Gömrük xidməti polkovniki

5 may 1951-ci ildə Qərbi Azərbaycanın Krasnoselo rayonu, Gölkənd kəndində anadan olmuşdur.

1973-cü ildə S.M.Kirov adına Azərbaycan Dövlət Universitetinin Kimya fakültəsinin "Kimyaçı, kimya müəllimi" ixtisası üzrə bitirmişdir.

Universiteti bitirdikdən sonra Azərbaycan SSR Elmlər Akademiyasının Qeyri-üzvi və Fiziki kimya institutunda laborant və baş laborant vəzifələrində çalışmışdır.

1975-ci ildə Azərbaycan Respublikası Kənd Təsərrüfatı Nazirliyinin Elmi-Tədqiqat Əkinçilik İnstitutunda analitik, kiçik elmi vəzifələrində çalışmış və müsabiqədən keçərək V.İ.Lenin adına Kişinyov Dövlət Universitetinin "Biologiya torpaqşünaslıq" fakültəsinin "Bitki biokimyası" ixtisası üzrə aspiranturasına daxil olmuşdur.

1978-ci ildə "Bitki biokimyası" ixtisası üzrə aspiranturanı bitirmiş və 1979-cü ildə "Biologiya elmləri namizədi" alimlik dərəcəsi adı almışdır.

1978-1987-ci illərdə Azərbaycan Elmi-Tədqiqat Əkinçilik İnstitutunda kiçik elmi işçi və baş elmi işçi vəzifələrində çalışmışdır.

1987-1992-ci illərdə Respublika İstehsalat Elm Birliyi (RİEB) - "Azərkəndkimya"-da Aqrokimyəvi Xidmət Idarəsində böyük mütəxəssis, RİEB Layihə-Axtarış Kimyalaşdırma Stansiyasının filialında – Istehsalat Şöbəsində və Bitkiçilik Məhsullarının Keyfiyyətinə Nəzarət Şöbəsində rəis vəzifəsində çalışmışdır.

1992-2003-cü illərdə Azərbaycan Respublikası Dövlət Gömrük Komitəsinin Mərkəzi laboratoriyasında şöbə rəisi və həmin laboratoriyanın rəisi vəzifəsində çalışmışdır.

2004-2009-cu illərdə "Azəryeyintisənaye" və "Azərbaycan Standartları" institutlarında şöbə müduri və elmi katıb vəzifəsində çalışmışdır.

2009-cu ildən etibarən Bakı Dövlət Universitetinin "Gömrük işinin təşkili", "İqtisadiyyat və İdarəetmə" kafedrasında,2014-cü ildən isə "Dünya iqtisadiyyatı" kafedrasında dosent vəzifəsində işləyir.

2018-ci ildən etibarən Azərbaycan Respublikası Dövlət Gömrük Komitəsinin Mərkəzi Gömrük Ekspertizası İdarəsinə rəis vəzifəsinə təyin olunmuşdur.

Fəaliyyəti müddətində gömrük xidməti polkovniki xüsusi rütbəsinə layiq görülmüş, Ümumdünya Gömrük Təşkilatının medalı, fəxri fərmanı, Azərbaycan Respublikası Dövlət Gömrük Komitəsinin (DGK), UNİCEF-in fəxri fərmanları ilə təltif olunmuşdur.

4 tədris proqramı, 2 monoqrafiya və 50-dən artıq elmi işin müəllifidir.

Ailəlidir. Iki övladı var.


Telefon:
+994 12 440-14-06

Email:
teyyar.ibrahimov@customs.gov.az