Aparatın strukturu
Əliyev Vüqar İsmayıl oğlu
Əliyev Vüqar İsmayıl oğlu
Sosİal İnnovasİyalar və analİtİk təhlİl İdarəsİnİn rəİSİ, gömrük xİdmətİ polkovnİk-leytenantı

24 noyabr 1979-cu ildə Bakı şəhərində ziyalı ailəsində anadan olmuşdur.

1996-cı ildə Bakı şəhəri, Yasamal rayonu 158 saylı orta məktəbi bitirmişdir.

2000-ci ildə Azərbaycan Kooperasiya İnstitutunun bakalavr pilləsini, 2002-ci ildə isə magistratura pilləsini idarəetmə istiqaməti üzrə fərqlənmə diplomları ilə bitirmişdir.

30 dekabr 2002-ci ildə Bakı Dövlət Universitetində "Xalq təsərrüfatının iqtisadiyyatı və idarə edilməsi" ixtisası üzrə əyani aspiranturaya daxil olmuş, 2005-ci ildə "Azərbaycan Respublikasının xarici iqtisadi fəaliyyətinin tənzimlənməsində gömrük tariflərinin tətbiqi problemləri" mövzusunda namizədlik dissertasiyası müdafiə etmişdir.

Azərbaycan Respublikası Prezidenti Yanında Ali Attestasiya Komissiyasının 7 fevral 2006-cı il tarixli qərarı ilə iqtisad elmləri namizədi alimlik dərəcəsi verilmişdir.

2007-2011-ci illərdə Bakı Dövlət Universitetinin "Hüquqşünaslıq" ixtisası üzrə tam kursunu fərqlənmə diplomu ilə bitirmişdir.

Əmək fəaliyyətinə Bakı şəhər İcra Hakimiyyətində mütəxəssis vəzifəsində başlamış, daha sonra aparıcı mütəxəssis vəzifəsində fəaliyyətini davam etdirmişdir.

2006-2008-ci illərdə Azərbaycan Respublikası İqtisadi İnkişaf Nazirliyinin Antiinhisar Siyasəti Departamentində aparıcı məsləhətçi, daha sonra baş məsləhətçi vəzifələrində işləmişdir.

2008-2016-cı illərdə Azərbaycan Respublikası Dövlət Gömrük Komitəsinin Maliyyə-Tarif və Valyuta Nəzarəti Baş İdarəsinin "Gömrük vergi və yığımları" şöbəsində böyük inspektor, daha sonra baş inspektor, 2016-2018-ci illərdə isə Komitənin Analitik şöbəsinin rəisi vəzifələrində çalışmışdır.

Dövlət Gömrük Komitəsi sədrinin müvafiq əmrinə əsasən 6 sentyabr 2018-ci il tarixindən Komitənin Sosial innovasiyalar və analitik təhlil İdarəsinin rəisi vəzifəsinə təyin olunmuşdur.

Dövlət Gömrük Komitəsirəhbərliyi tərəfindən gömrük orqanında səmərəli fəaliyyətinə görə barəsində dəfələrlə həvəsləndirici tədbirlər görülmüş, Fəxri Fərmanlarla təltif edilmişdir. Komitə sədrinin 25 aprel 2016-cı il tarixli əmrinə əsasən "Gömrük Xidməti Əlaçısı" döş nişanı ilə təltif olunmuşdur.

Ümumdünya Gömrük Təşkilatının Baş katibi tərəfındən sertifikata layiq görülmüşdür.

Xidməti vəzifələrini yerinə yetirərkən fərqləndiyinə görə Azərbaycan Respublikası Prezidentinin 27 yanvar 2017-ci il tarixli 2631 nömrəli Sərəncamı ilə "Dövlət qulluğunda fərqlənməyə görə" medalı ilə, 26 may 2018-ci il tarixində isə Dövlət Gömrük Komitəsi sədrinin müvafıq əmri ilə "Azərbaycan Respublikası Dövlət Gömrük Komitəsinin 25 illiyi (1992-2017)" Azərbaycan Respublikasının yubiley medalı ilə təltif edilmişdir.

Azərbaycan Respublikasının Prezidenti yanında Ali Attestasiya Komissiyasının 26 iyul 2016-cı il tarixli qərarı ilə dosent elmi adı verilmişdir.

1 monoqrafiyanın, 2 kitabın, 2 tədris proqramının və 25-dən artıq elmi məqalənin müəllifidir.

Evlidir, iki övladı var.


Telefon:
+ 99412 404-22-31

Email:
vuqar.eliyev@customs.gov.az