Azərbaycan Respublikası Nazirlər Kabineti

Azərbaycan Respublikası Nazirlər Kabinetinin bəzi qərarlarına əlavələr edilməsi haqqında

Qərar № 138

Bakı şəhəri, 15 avqust 2000-ci il

Azərbaycan Respublikasının Nazirlər Kabineti qərara alır:

1. «Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında» Azərbaycan Respublikası Nazirlər Kabinetinin 1998-ci il 22 aprel tarixli, 91 nömrəli qərarının 1 nömrəli əlavəsində 87 mal qrupunda 1-ci sütunda «870321900» mal mövqeyindən, 2-ci sütunda onun adından və 3-cü sütundakı gömrük rüsumu dərəcəsindən əvvəl 1-ci, 2-ci və 3-cü sütunlarda müvafiq olaraq «8703» rəqəmi, «Yalnız yol təhlükəsizliyini təmin etmək üçün idxal olunan xüsusi təyinatlı patrul-keşik avtomobilləri (zavod-buraxılış tarixi 1 ilə qədər və istismarda olmamış avtomobillər)» sözləri və «0» rəqəmi, həmin mal qrupunda «8709-8710» mal mövqeyindən, 2-ci sütunda onun adından və 3-cü sütundakı gömrük rüsumu dərəcəsindən sonra 1-ci, 2-ci və 3-cü sütunlarda müvafiq olaraq «8711» rəqəmi, «Yalnız yol polisi üçün xüsusi təchiz edilmiş eskort motosiklləri (zavod-buraxılış tarixi 1 ilə qədər və istismarda olmamış motosikllər)» sözləri və «0» rəqəmi əlavə edilsin.

2. «Azərbaycan Respublikası ərazisinə gətirilən, əlavə dəyər vergisindən azad olunan malların siyahısı haqqında» Azərbaycan Respublikası Nazirlər Kabinetinin 2000-ci il 13 iyul tarixli, 124 nömrəli qərarı ilə təsdiq edilmiş «Azərbaycan Respublikası ərazisinə gətirilən, əlavə dəyər vergisindən azad olunan malların siyahısı»nda 1-ci sütunda «8709—8710» mal mövqeyindən, 2-ci sütunda onun adından sonra 1-ci və 2-ci sütunlarda müvafiq olaraq «8711» rəqəmi, «Yalnız yol polisi üçün xüsusi təchiz edilmiş eskort motosiklləri (zavod-buraxılış tarixi 1 ilə qədər və istismarda olmamış motosikllər)» sözləri əlavə edilsin.

3. Bu qərar imzalandığı gündən qüvvəyə minir.

Azərbaycan Respublikasının Baş naziri

A. RASİ-ZADƏ.

«Azərbaycan Respublikasının Qanunvericilik Toplusu»nda dərc edilmişdir (31 avqust 2000-ci il, № 8, 3-cü kitab, maddə 643) («AzerSoft»).

12 aprel 2001-ci il tarixli, 80 nömrəli; 31 yanvar 2005-ci il tarixli, 11 nömrəli qərarlara əsasən dəyişikliklərlə («AzerSoft»).