Azərbaycan Respublikası Nazirlər Kabineti
Azərbaycan Respublikası Nazirlər Kabinetinin 2002-ci il 20 noyabr tarixli, 183 nömrəli qərarı ilə təsdiq edilmiş «Ərzaq payı ilə təmin olunan gömrük orqanlarının vəzifəli şəxslərinin Siyahısı»na əlavələr və dəyişikliklər edilməsi barədə
Qərar ¹ 274

Bakı şəhəri, 25 dekabr 2006-cı il

Azərbaycan Respublikası Prezidentinin «Azərbaycan Respublikası Dövlət Gömrük Komitəsinin strukturuna əlavə edilməsi haqqında» 2004-cü il 6 may tarixli, 60 nömrəli və «Azərbaycan Respublikası Dövlət Gömrük Komitəsinin strukturuna dəyişikliklər və əlavələr edilməsi haqqında» 2004-cü il 10 dekabr tarixli, 156 nömrəli fərmanlarına uyğun olaraq, həmçinin Azərbaycan Respublikası Dövlət Gömrük Komitəsinin Azərbaycan Respublikasının Maliyyə Nazirliyi, Azərbaycan Respublikasının Əmək və Əhalinin Sosial Müdafiəsi Nazirliyi və Azərbaycan Respublikasının Ədliyyə Nazirliyi ilə razılaşdırılmış təklifini nəzərə alaraq, Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 2002-ci il 20 noyabr tarixli, 183 nömrəli qərarı ilə təsdiq edilmiş «Ərzaq payı ilə təmin olunan gömrük orqanlarının vəzifəli şəxslərinin Siyahısı»na aşağıdakı əlavələr və dəyişikliklər edilsin:

3.7-ci bəndində «Mütəxəssis» sözündən sonra «Mühasib» sözü əlavə edilsin;
3.9-cu bəndin adında «Mühafizəsi» sözündən sonra «Gömrük» sözü əlavə edilsin;
3.10-cu bəndin adında «Gömrükxanalar» sözü «Gömrük idarələri» sözləri ilə əvəz edilsin;
3.11-ci bəndi aşağıdakı redaksiyada verilsin:

«3.11. Tibbi Xidmət İdarəsinin tabeliyində olan mərkəzi hospital, sanator-kurort müəssisəsi

Mərkəzi hospitalın rəisi
Baş mühasib
Sanator-kurort müəssisəsinin rəisi — baş həkim
Həkim — Tibb Komissiyasının sədri
Laboratoriya rəisi
Mərkəzi hospitalda poliklinika şöbəsinin rəisi
Şöbə rəisi
Sanator-kurort müəssisəsi rəisinin müavini — baş həkimin müavini
Təsərrüfat hissə müdiri
Mühasib
Mühasib-xəzinədar
Provizor-texnoloq
Provizor-analitik
Həkim
Həkim-statistik
Həkim-metodist
Tibb statistiki
Mühəndis-proqramlaşdırıcı
Baş tibb bacısı (qardaşı)
Arxivarius
Elektrik avadanlıqları üzrə mühəndis
Müalicəvi bədən tərbiyəsi üzrə təlimatçı
Mülki müdafiə üzrə mühəndis
Mərkəzi isitmə — soyutma sistemi üzrə mühəndis
Tibb avadanlığı üzrə mühəndis
Feldşer-metodist
Böyük tibb bacısı (qardaşı)
Xəzinədar
Tibb bacısı (qardaşı)
Tibb qeydiyyatçısı
Texnik».

2. Azərbaycan Respublikası Nazirlər Kabinetinin 2002-ci il 20 noyabr tarixli, 183 nömrəli qərarı ilə təsdiq edilmiş «Ərzaq payı ilə təmin olunan gömrük orqanlarının vəzifəli şəxslərinin Siyahısı»nın 3.12-ci bəndi və «Azərbaycan Respublikası Nazirlər Kabinetinin 2002-ci il 20 noyabr tarixli, 183 nömrəli qərarı ilə təsdiq edilmiş «Ərzaq payı ilə təmin olunan gömrük orqanlarının vəzifəli şəxslərinin Siyahısı»na əlavə edilməsi barədə» Azərbaycan Respublikası Nazirlər Kabinetinin 2004-cü il 10 sentyabr tarixli, 126 nömrəli qərarı qüvvədən düşmüş hesab edilsin.

3. Bu qərar imzalandığı gündən qüvvəyə minir.

Azərbaycan Respublikasının Baş naziri
A. RASİ-ZADƏ
«Azərbaycan Respublikasının Qanunvericilik Toplusu»nda dərc edilmişdir (31 dekabr 2006-cı il, ¹ 12, maddə 1160) («VES Consultancy» LLC).
© VES Consultancy LLC