Bakı şəhəri, 15 iyul 1997-ci il

Hökumətlərarası sazişlərə əsasən xarici kreditlər, maliyyə yardımları və borclar hesabına idxal edilən malların gömrük idxal rüsumunun «O» dərəcəsinə cəlb olunması məqsədəuyğunluğunu nəzərə alaraq, Azərbaycan Respublikası Nazirlər Kabineti qərara alır:

1. Azərbaycan Respublikası Nazirlər Kabinetinin «Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında» 1997-ci il 16 iyun tarixli 62 nömrəli qərarına aşağıdakı əlavə edilsin:

• 3-cü bəndə yeni 3.17 yarımbəndi əlavə edilsin:

«3.17. Beynəlxalq təşkilatların, xarici dövlətlərin hökumətlərinin, habelə dövlətlərarası və hökumətlərarası sazişlərə əsasən xarici hüquqi və fiziki şəxslərin ayırdıqları əvəzsiz maliyyə yardımları, kreditlər və borclar hesabına idxal olunan mallar, işlər, xidmətlər» .