Azərbaycan Respublikası Dövlət Gömrük Komitəsi tərəfindən vahid gömrük siyasətinin həyata keçirilməsi, gömrük xidmətinin səmərəli fəaliyyətinin təmin edilməsi, komitənin təşkilat strukturunun möhkəmləndirilməsi məqsədi ilə qərara alıram:

1. Azərbaycan Respublikası Dövlət Gömrük Komitəsi kollegiyasının tərkibi təsdiq edilsin.

2. Tutduqları vəzifələrə görə aşağıdakı şəxslər kollegiyanın tərkibinə daxil edilsinlər.
Kollegiyanın sədri:
Dövlət Gömrük Komitəsinin sədri
Kollegiyanın üzvləri:
Dövlət Gömrük Komitəsi sədrinin birinci müavini
Dövlət Gömrük Komitəsi sədrinin müavinləri
Gömrük Nəzarətinin Təşkili Baş İdarəsinin rəisi
Gömrük Qaydalarının Pozulması və Qaçaqmalçılıqla Mübarizə Baş İdarəsinin rəisi
Baş Maliyyə-Tarif İdarəsinin rəisi
Kadrlar İdarəsinin rəisi
Naxçıvan Muxtar Respublikası Gömrük Komitəsinin sədri
Bakı Baş Gömrük İdarəsinin rəisi

3. Azərbaycan Respublikası Nazirlər Kabinetinin 1994-cü il 30 iyul tarixli, 285 nömrəli qərarı ləğv edilsin.

Azərbaycan Respublikasının Prezidenti
Heydər ƏLİYEV
Bakı şəhəri, 1 may 1995-ci il
№ 170
«Azərbaycan Respublikası Ali Sovetinin Məlumatı»nda dərc edilmişdir (1995-ci il, № 9, maddə 187) («VES Consultancy» LLC).
© VES Consultancy LLC