AZƏRBAYCAN RESPUBLİKASI
DÖVLƏT GÖMRÜK KOMİTƏSİ
 
  | | AZ | RU | EN       

Geri  
  Dostunuza göndərin
  Çap versiyası
  Baş səhifə
Saytın xəritəsi 

Diqqət!

 

“e - İdxal / İxrac Əməliyyatlarım” elektron gömrük xidmətindən istifadə 1 mart 2015-ci il tarixindən etibarən yalnız Rabitə və Yüksək Texnologiyalar Nazirliyinin Milli Sertifikat Xidmətləri Mərkəzindən əldə olunmuş elektron imza vasitəsilə mümkün olacaqdır.

Elektron xidmətdən istifadə etmək üçün Rabitə və Yüksək Texnologiyalar Nazirliyinin Milli Sertifikat Xidmətləri Mərkəzinə müraciət edərək elektron imza almaq lazımdır. Elektron imzanın alınma qaydası ilə  www.e-imza.az  saytından tanış ola bilərsiniz.

Elektron imza ilə xidmətdən istifadə qaydası:

Müəssisədə möhür hüququ olan şəxs (müəssisənin rəhbəri və ya xüsusi hallarda müəssisə rəhbərinin möhür hüququnu həvalə etdiyi digər vəzifəli şəxs) Sertifikat Xidmətləri Mərkəzindən əldə etdiyi elektron imza ilə Komitənin rəsmi internet saytı və ya Elektron Hökumət Portalı (www.e-gov.az) vasitəsilə elektron xidmətə daxil olur və elektron imza kartı ilə əlaqəli VÖEN-lə müvafiq əməliyyatlar aparılır.

Elektron xidmətdən istifadə səlahiyyətini digər şəxslərə (məsələn, brokerlərə) həvalə etmək üçün möhür hüququ olan şəxs öz elektron imza kartı ilə elektron xidmətə daxil olaraq “Yeni istifadəçinin əlavə edilməsi və siyahısı” linkinə keçid almalıdır. Açılan pəncərədə xidmətdən istifadə səlahiyyəti vermək istədiyi  təmsilçisinin, brokerin və s. elektron imza kartına istifadə hüququ verir. Bunun üçün istifadəçinin şəxsiyyətini təsdiq edən sənədinin pin kodunu, soyadını,  adını və elektron imza kartı üzərində olan 13 rəqəmli nömrəni müvafiq xanalara yazaraq “Yadda saxla” düyməsinə sıxır. Bundan sonra həmin şəxs öz elektron imzası ilə təmsil etdiyi hüquqi və ya fiziki şəxs adından elektron xidmətdən istifadə edə bilər. Təmsilçinin və ya brokerin  xidmətdən istifadə hüququnu ləğv etmək üçün “Yeni istifadəçinin əlavə edilməsi və siyahısı” linki sıxılır, açılan pəncərədə “İstifadəçilər” bölməsindən istifadə hüququnu ləğv etmək istədiyiniz istifadəçinin adı seçilir və “Sil” düyməsi sıxılır.

Təmsilçi və broker bir neçə müəssisəyə xidmət göstərirsə, o zaman elektron xidmətdən istifadə zamanı xidmət göstərdiyi müəssisələrin VÖEN-ni seçərək müvafiq əməliyyatları aparır.

 

 



    Dostunuza göndərin       Çap versiyası        Baş səhifə      Saytın xəritəsi
  RSS   |   XƏBƏRLƏR   |   ŞƏKİLLƏR   |   QANUNVERİCİLİK   |   SUALLAR VƏ CAVABLAR

(c) 2015, Azərbaycan Respublikası Dövlət Gömrük Komitəsi Ünvan: AZ1073, Azərbaycan, Bakı, İnşaatçılar pr-ti, 2
Tel: (99412) 404-22-00
Faks: (99412) 404-22-17
E-mail: international@customs.gov.az