Elanlar

Vakansiyanın adıBaş müfəttiş (sanitariya nəzarəti üzrə)

Struktur vahidinin adı:

Dövlət Gömrük Komitəsinin Cənub, Qərb və Şimal Ərazi Baş Gömrük İdarələri


Namizədlər qarşısında qoyulan tələblər:

  • ·Sanitar müfəttişi aşağıdakıları bilməlidir:
  • -Azərbaycan Respublikasının səhiyyə qanunvericiliyinin əsasları;
  • -səhiyyə müəssisələrinin fəaliyyətini tənzimləyən və əhalinin sanitariya epidemioloji salamatlığını təmin edən normativ hüquqi aktları;
  • -xidmət göstərilən əməkdaşların sağlamlıq vəziyyətinin statistikası;
  • -tibbi alət və avadanlıqların istismarı qaydaları;
  • -tibb etikası və peşəkar ünsiyyət psixologiyası;
  • -dispanserləşdirmənin əsasları;
  • -təbii və texnogen fəlakətlər zamanı tibb xidmətinin əsasları;
  • -ilkin təxirəsalınmaz tibbi yardımın əsasları;
  • -dezinfeksiya, dezinseksiya və deratizasiya işlərinin aparılması metodikası;
  • -istifadəsinə icazə verilmiş dezinfeksiya və sterilizasiya vasitələrinin xüsusiyyətləri və işlədilməsi qaydaları;
  • -dezinfeksiya avadanlıqlarının istismarı qaydaları;
  • -əmək qanunvericiliyinin əsasları, daxili əmək intizamı qaydaları, əməyin mühafizəsi və yanğın təhlükəsizliyi üzrə qaydaları.

Kvalifikasiya tələbləri:


  • ·Yaş: 28-48;
  • ·Tibb təhsili (ali tibbi təhsil alana üstünlük veriləcək) olan;
  • ·5 ildən az olmayaraq tibb sahəsində iş təcrübəsi olan;
  • ·Təşkilatçılıq qabiliyyəti və fəal ünsiyyət bacarığı olan;
  • ·Fövqəladə hallar zamanı operativ və strateji düşüncə qabiliyyəti olan;
  • ·Gərgin, qeyri-stabil iş rejimində işləmək bacarığı olan;
  • ·Planlı və plandankənar qısa və uzunmüddətli ezamiyyətlərə hazır olan;
  • ·Azərbaycan dilində sərbəst oxumaq, yazmaq və danışmaq (rus və ya ingilis dillərini yaxşı bilənlərə üstünlük verilir),
  • ·Stressə davamlı olan;
  • ·Səlis nitq, aydın danışıq tərzi olan;
  • ·Komandada işləmək bacarığı olan;
  • ·Kompüter bilikləri: MS Office (Microsoft Word, Microsoft Excel,) MS Outlook proqramlarından və İnternet resurslarından sərbəst istifadə bacarıqları olan.

İş vaxtı: Təhkim olunacaq ərazinin iş rejiminə uyğun tənzimlənəcək.

Əsas vəzifə funksiyaları:

  • -Sanitar-profilaktika tədbirlərinin göstərilməsini həyata keçirmək;
  • -Cari sanitar nəzarətə görə cavabdehlik daşımaq, epidemiya əleyhinə tədbirlər təşkil etmək;
  • -İlk həkiməqədər tibbi yardımın göstərilməsini həyata keçirmək;
  • -Dərman preparatlarının saxlanılması, qeydiyyatı və silinməsini təmin etmək;
  • -Tibbi qeydiyyat-hesabat sənədləşdirməsini həyata keçirmək;
  • -Gömrük əməkdaşlarının arasında sağlamlığın möhkəmləndirilməsi və xəstəliklərin profilaktikası, sağlam həyat tərzinin təbliği üzrə sanitar-maarifləndirmə işini aparmaq;
  • -Dayanıqlı tibb məntəqəsi həkimi və ya zonal baş sanitar müfəttişinin rəhbərliyi altında dezinfeksiya, dezinseksiya və deratizasiya tədbirlərinin aparılması üzrə işləri həyata keçirmək;
  • -Obyektlərin dezinfeksiya, dezinseksiya və deratizasiyasının aparılmasının həcm, metodika və vasitələrini müəyyən etmək;
  • -Dezinfeksiya işlərinin aparılması zamanı əməyin mühafizəsi qaydalarına riayət olunmasına nəzarət etmək;
  • -Dezinfeksiya tədbirlərinin aparılması planının işlənib hazırlanmasında iştirak etmək;
  • -İlkin qeydiyyat-hesabat sənədlərini rəsmiləşdirmək;
  • -Qanunvericiliklə müəyyən edilmiş müddətdə işlədiyi sahə üzrə təkmilləşdirmə kurslarında iştirak etmək.

Əsas vəzifə funksiyaları ilə yanaşı öhdəliklər:

  1. Sərnişinlər tərəfindən keçirilən müşayiət olunan və olunmayan baqaj üzərində gömrük rəsmiləşdirilməsi və gömrük nəzarətini həyata keçirmək;
  2. Gömrük nəzarəti prosesində texniki nəzarət vasitələrinin istifadə edilməsini təmin etmək;
  3. Gömrük nəzarəti altında olan mal və nəqliyyat vasitələrinin gömrük yoxlanışını həyata keçirərkən sanitariya qaydalarına riayət olunmasına nəzarət etmək;
  4. Dövlət sərhədlərinin gömrük buraxılış məntəqələrindən keçirilən Azərbaycan Respublikasının tərəfdar çıxdığı beynəlxalq müqavilələrlə müəyyən edilmiş ekvivalentlik prinsipinə uyğun olaraq ixracatçı ölkə tərəfindən əvvəlcədən verilən malların gigiyenik və digər sertifikatlarını (şəhadətnamələrini) qanunvericiliyə uyğun olmasının yoxlanılması.

Vakansiya ilə maraqlanan şəxslər CV-ni Dövlət Gömrük Komitəsi Tibbi Xidmət İdarəsi Mərkəzi Hospitalın info@customshospital.az elektron ünvanına, məktubun Subject/Mövzu hissəsində vəzifənin adını qeyd etməklə, göndərə bilərlər.

Namizədlərin nəzərinə! İşə qəbulla bağlı müraciət edənlərdən yalnız vəzifə tələblərinə uyğun gələn namizədlərlə əlaqə saxlanılacaqdır.