Xarici ticarət iştirakçıları ilə görüş keçirilib

Biləsuvar Gömrük İdarəsində xarici ticarət iştirakçıları ilə növbəti görüş keçirilib.

Görüşdə gömrük sistemindəki yeniliklər barədə məlumat verilib. Dövlət Gömrük Komitəsinin “2025-2030-cu illər üçün İnkişaf Strategiyası”na dair təqdimat nümayiş etdirilib. Bildirilib ki, yeni strategiyaya əsasən ölkənin gömrük sisteminin rəqəmsallaşdırılması, şəffaflığın artırılması və beynəlxalq ticarətin asanlaşdırılması, gömrük-biznes əməkdaşlığının gücləndirilməsi istiqamətində mühüm tədbirlərin həyata keçirilməsi nəzərdə tutulub.

Tədbirdə sahibkarları maraqlandıran digər mövzular ətrafında fikir mübadiləsi aparılıb, təklif və rəylər dinlənilib, onların sualları ətraflı cavablandırılıb.

DGK Mətbuat və İctimaiyyətlə Əlaqələr İdarəsi