Gömrük hüquqpozmaları ilə mübarizə sahəsində əməkdaşlığın perspektivləri müzakirə edilib

Türkiyə Respublikası Ticarət Nazirliyinin Gömrük Mühafizə Baş İdarəsinin rəisi Rəcəb Koşarın rəhbərlik etdiyi nümayəndə heyəti Dövlət Gömrük Komitəsində olub və bir sıra görüşlər keçirilib.

Gömrük hüquqpozmaları ilə mübarizə sahəsində əməkdaşlığın perspektivlərinin müzakirə olunduğu görüşlərdə hər iki ölkənin gömrük orqanlarının bu istiqamətdə fəaliyyətləri ilə bağlı təqdimatlar nümayiş etdirilib, təcrübə və məlumat mübadiləsinin daha da gücləndirilməsinin vacibliyi vurğulanıb.

Həmçinin qonaqlar Dövlət Gömrük Komitəsinin “Hədəf və Koordinasiya Mərkəzi”nin fəaliyyəti ilə tanış olublar.

DGK Mətbuat və İctimaiyyətlə Əlaqələr İdarəsi