Dövlət Gömrük Komitəsində iqtisadçılar və ekspertlərlə görüş keçirilib

Oktyabrın 29-da Dövlət Gömrük Komitəsində iqtisadçılar və ekspertlərlə görüş keçirilib.

Görüşdə gömrük sistemində tətbiq olunan IT həllər və eyni zamanda əməliyyatların optimallaşdırılması istiqamətində həyata keçirilən tədbirlər barədə məlumat verilib, mövzu ilə bağlı təqdimatlar nümayiş etdirilib.

Həmçinin gömrük sistemində reallaşdırılan yeniliklərə dair müxtəlif hədəf qruplarının mütəmadi məlumatlandırılmasının, tətbiq ediləcək layihələrlə bağlı müzakirələrin təşkilinin səmərəli kommunikasiyanın qurulması baxımından əhəmiyyəti qeyd olunub.

Görüşdə iqtisadçılar və ekspertlərin fikir və rəyləri dinlənilib, onları maraqlandıran suallar ətraflı cavablandırılıb.

DGK Mətbuat və İctimaiyyətlə Əlaqələr İdarəsi