Ərdəbil vilayəti valisinin rəhbərlik etdiyi nümayəndə heyəti ilə görüş keçirilib

Dekabrın 10-da Dövlət Gömrük Komitəsində İran İslam Respublikasının Ərdəbil vilayətinin valisi Məsud İmami Yeganenin rəhbərlik etdiyi nümayəndə heyəti ilə görüş keçirilib.

Görüşdə sərhədkeçmə proseslərinin sürətləndirilməsi, ticarətin asanlaşdırılması, gömrük əməliyyatlarının sadələşdirilməsi istiqamətində əməkdaşlığın, eləcə də məlumat mübadiləsinin həyata keçirilməsinin perspektivlərinə dair məsələlər müzakirə olunub.

DGK Mətbuat və İctimaiyyətlə Əlaqələr İdarəsi