Geyim və ərzaq məhsullarını gizlədərək keçirməyə cəhd etdi

Qərb Ərazi Baş Gömrük İdarəsinin "Qırmızı Körpü" gömrük postunda Gürcüstandan gələn, Azərbaycan Respublikası vətəndaşının idarə etdiyi "Setra S215 HD" markalı avtomobil saxlanılıb və sürücüsü şifahi sorğu-sual olunub.

Sorğu-sual zamanı vətəndaş idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirsə də, nəticədə nəqliyyat vasitəsinin baqajında xüsusi qaydada hazırlanan taxta qutunun içərisində gömrük nəzarətindən gizlədilən üzərlərində "Tryon" yazılan 100 dəst idman geyimi və 75 cüt corab, 98 kq toyuq əti, 43 kq kolbasa, 9 kq sosiska, 10 ədəd 5 litrlik çaxır və bir ədəd üzərində "22111-2G410" yazılan mühərrik aşkarlanıb.

Faktla bağlı araşdırma aparılır.

DGK Mətbuat və İctimaiyyətlə Əlaqələr İdarəsi