Recruitment to the customs authorities

Azərbaycan Respublikası Dövlət Gömrük Komitəsinin Akademiyasının məzunlarının diqqətinə

 Azərbaycan Respublikası Dövlət Gömrük Komitəsinin Akademiyasının məzunlarının Azərbaycan Respublikası Dövlət Gömrük Komitəsinin ərazi gömrük idarələrində mövcud olan vakant inspektor vəzifələri üzrə xidmətə qəbul ilə əlaqədar müsabiqə elan edilir.

  Gömrük orqanlarına xidmətə qəbul olmaq üçün keçiriləcək müsabiqə iki mərhələdən-yazılı test imtahanı və söhbət (müsahibə) mərhələlərindən ibarətdir.

   Xidmətə qəbul ilə əlaqədar müsabiqədə aşağıdakı tələblərə cavab verən DövlətGömrük Komitəsinin Akademiyasının məzunları iştirak edə bilər:

1. yaşı 30-u keçməmiş;
2. hərbi xidmət keçmiş (qanuni əsaslarla müddətli həqiqi hərbi xidmətə çağırışdan möhlət hüququ olanlar və ya müddətli həqiqi hərbi xidmətə çağırışdan azad edilənlər istisna olmaqla);
3. orta müvəffəqiyyət göstəriciləri 70-dən yuxarı olan;
4. Azərbaycan Respublikasının 1999-cu il 7 dekabr tarixli 768-IQ nömrəli Qanunu ilə təsdiq edilmiş “Gömrük orqanlarında xidmət haqqında” Əsasnamə ilə müəyyən edilmiş digər tələblər. 

Müsabiqədə iştirak etmək üçün elektron formada Komitənin rəsmi internet saytına yüklənməsi tələb olunan sənədlər:

1. şəxsiyyəti təsdiq edən sənədin surəti;
2. ali təhsilə malik olmasını təsdiq edən sənədin surəti;
3. hərbi bilet və ya digər hərbi uçot sənədinin bütün səhifələrinin surəti;
4. kadrlar uçotunun şəxsi vərəqəsi (elektron qaydada yazılmış və skan edilmiş);

Müsabiqənin yazılı test imtahanı mərhələsi üçün sənədlərin qəbulu 20 avqust 2024-cü il saat 10:00-dan 10 sentyabr 2024-cü il saat 18:00-dək aparılacaqdır. Namizədlər bu müddət ərzində Komitənin rəsmi internet saytına daxil olaraq “Komitə/Xidmətə qəbul/Müsabiqənin test imtahanı/Test imtahanına qeydiyyatla bağlı müraciət” bölməsinə daxil olmaqla müvafiq məlumat xanalarını doldurmalıdırlar. Məlumatları sistemə daxil etdikdən sonra namizədə elektron poçt ünvanı vasitəsi ilə iş nömrəsi və paroldan istifadə etməklə qeydiyyatdan keçməsi barədə məlumat göndərilir. Namizədlər bu məlumatı qəbul etdikdən dərhal sonra verilmiş iş nömrəsi və paroldan istifadə etməklə aşağıda qeyd olunan digər sənədləri “Komitə/Xidmətə qəbul/Müsabiqənin test imtahanı/Sənədlərin elektron qəbulu” bölməsindən istifadə etməklə təqdim etməlidirlər. Sənədlər qəbul edildikdən sonrakı 10 gün ərzində yoxlanılır və müraciətin qəbul edilməsi barədə məlumat namizədin elektron poçt ünvanına göndərilir.

Müsabiqədə iştirak üçün tələb olunan sənədlər müəyyən olunmuş tələblərə uyğun olmadıqda, yaxud natamam olduqda qəbul edilmir və aşkar olunmuş çatışmazlıqlar namizədə izah olunur. Namizədin qeydə alınmamasına səbəb olan çatışmazlıqlar 3 (üç) iş günü müddətində aradan qaldırıldıqda, namizəd müsahibədə iştirak etmək üçün qeydə alınır. Çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Vətəndaşların gömrük orqanlarında xidmətə qəbul olunarkən təqdim etdiyi  sənədlər və məlumatlar qanunvericiliklə müəyyən edilmiş qaydada yoxlanılır. Yoxlama nəticəsində vətəndaşın gömrük orqanlarına xidmətə qəbul olunmasına maneçilik törədən hallar müəyyən olunduqda, ona gömrük orqanlarına xidmətə qəbul olunmasından imtinanın səbəbləri barəsində yazılı formada məlumat verilir.

Namizəd qanunvericiliklə müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatların verilməsi aşkar edildikdə, namizədin yazılı test imtahanında və (və ya) müsahibədə əldə etdiyi nəticələr etibarsız hesab edilir.

Yazılı test imtahanı mərhələsində namizədlərə  20 açıq tipli test tapşırığının təqdim edilməsi nəzərdə tutulur. Tapşırıqların cavablandırılması üçün 2 (iki) saat müddət müəyyən edilmişdir. 

Yazılı test imtahanında qiymətləndirilir:

1. namizədlərin peşə-ixtisas bilikləri;
2. namizədlərin ümumi dünyagörüşü (Azərbaycan tarixi, Azərbaycan coğrafiyası, Azərbaycan mədəniyyəti üçün əhəmiyyət kəsb edən önəmli hadisələr və s.).

Test imtahanı mərhələsində test tapşırıqlarını əhatə edən test imtahanı proqramı Komitənin rəsmi internet saytının “Komitə/Xidmətə qəbul” bölməsində yerləşdirilmişdir (https://customs.gov.az/uploads/pdfcontent/proqram.pdf).

Müsabiqənin test imtahanı mərhələsini uğurla keçənlərlə söhbət (müsahibə) keçiriləcəkdir.

Söhbətin (müsahibənin) məqsədi namizədin gömrük orqanlarında işləmək üçün tələb olunan keyfiyyətlərə malik olmasını və vakant vəzifənin tələblərinə uyğunluğunu müəyyən etməkdən ibarətdir.

Müsabiqədə ən yüksək nəticə əldə edən namizədin vakant vəzifəyə təyinatı aparılır.

Müsabiqədə Azərbaycan Respublikası Dövlət Gömrük Komitəsinin Akademiyasının akademik və digər göstəricilərinə görə xüsusi fərqlənən məzunlarına üstünlük veriləcəkdir.

QEYD 1: Namizədlər internet vasitəsilə elektron ərizə formasını doldura bilmədikdə və ya bu zaman hər hansı texniki problem yarandıqda Komitənin İnsan Resursları İdarəsinə müraciət edə bilərlər (012) 404-22-00 (daxili: 0121, 0127, 0118)

QEYD 2: Test imtahanının keçiriləcəyi yer və söhbət mərhələsi haqqında əlavə məlumat veriləcəkdir.

-Test imtahanına qeydiyyatla bağlı müraciət

-Sənədlərin elektron qəbulu

-Test imtahanı üzrə nəticələr

Müsabiqənin müsahibə mərhələsi barədə 
Məlumat

Dövlət Gömrük Komitəsinin ərazi gömrük idarələrində və tabeliyində olan qurumda mövcud olan vakant vəzifələr üzrə 2024-cü il 15 may tarixində növbəti müsabiqə elan edilmişdir. Test imtahanından müvəffəqiyyətlə keçən 55 namizəd və Azərbaycan Respublikası Prezidentinin 2010-cu il 12 noyabr tarixli 349 nömrəli Fərmanı ilə təsdiq edilmiş “Gömrük orqanlarına xidmətə qəbul ilə əlaqədar müsabiqənin keçirilməsi Qaydası”nın 1.8-ci bəndinə uyğun olaraq qeydə alınan 145 namizəd (dövlət qulluğunun xüsusi növündə və dövlət qulluğunda hal-hazırda çalışan (qulluq, xidmət keçən) müvafiq olaraq  rütbəyə və ixtisas dərəcəsinə malik olan şəxslər) ümumilikdə 200 namizəd müsabiqənin növbəti - müsahibə mərhələsinə buraxılmışdır. Müsabiqənin müsahibə mərhələsi 2024-cü il 1 iyul tarixindən etibarən Dövlət Gömrük Komitəsinin inzibati binasında keçiriləcəkdir.

Müsahibədə iştirakla bağlı qeydiyyat üçün müraciət edən namizədlər aşağıdakı sənədləri təqdim etməlidirlər:

- şəxsiyyətini təsdiq edən sənəd;

- müvafiq təhsilə malik olmasını təsdiq edən sənəd;

- sağlamlıq vəziyyəti haqqında tibbi arayış (skan edilmiş);

- hərbi bilet və ya digər hərbi uçot sənədi.

- kadrlar uçotunun şəxsi vərəqəsi (elektron qaydada yazılmış və skan edilmiş);

Yuxarıda qeyd olunan sənədlər müəyyən olunmuş tələblərə uyğun olmadıqda, yaxud natamam olduqda qəbul edilmir və aşkar olunmuş çatışmazlıqlar namizədə izah olunur. Namizədin qeydə alınmamasına səbəb olan çatışmazlıqlar 3 (üç) iş günü müddətində aradan qaldırıldıqda, namizəd müsahibədə iştirak etmək üçün qeydə alınır. Çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizədlərin müsahibədə iştirakı ilə bağlı qeydiyyatı üçün yuxarıda qeyd olunan müraciət müddəti bitdikdən sonra daxil olan müraciətlər qeydə alınmır.

Vətəndaşların gömrük orqanlarında xidmətə qəbul olunarkən təqdim etdiyi  sənədlər və məlumatlar qanunvericiliklə müəyyən edilmiş qaydada yoxlanılır. Yoxlama nəticəsində vətəndaşın gömrük orqanlarına xidmətə qəbul olunmasına maneçilik törədən hallar müəyyən olunduqda, ona gömrük orqanlarına xidmətə qəbul olunmasından imtinanın səbəbləri barəsində yazılı formada məlumat verilir.

Namizəd qanunvericiliklə müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatların verilməsi aşkar edildikdə, namizədin test imtahanında və (və ya) müsahibədə əldə etdiyi nəticələr etibarsız hesab edilir.

Müsahibənin keçirildiyi vaxt və yer barədə namizədlərə müsahibənin keçirilməsinə ən azı 5 gün qalmış Komitənin internet saytı vasitəsilə məlumat veriləcəkdir.

Müsahibənin məqsədi namizədin gömrük orqanlarında işləmək üçün tələb olunan keyfiyyətlərə malik olmasını və vakant vəzifənin tələblərinə uyğunluğunu müəyyən etməkdən ibarətdir.

Hər bir namizədlə müsahibə aşkarlıq şəraitində fərdi qaydada Azərbaycan Respublikasının dövlət dilində və azı 20 dəqiqə müddətində aparılır. Müsahibə zamanı namizəd aşağıdakı meyarlar üzrə qiymətləndirilir: 

- vəzifə borclarının icrası ilə əlaqədar nəzəri və Azərbaycan Respublikasının Konstitusiyasına, Azərbaycan Respublikasının qanunlarına, Azərbaycan Respublikası Prezidentinin və Azərbaycan Respublikası Nazirlər Kabinetinin aktlarına və digər normativ-hüquqi aktlarına dair biliyi;

- vəzifə borclarının icrası ilə əlaqədar nəzəri və qanunvericilik biliklərinin tətbiqi bacarığı, xarici dilləri bilməsi;

- özünü təqdimetmə bacarığı, təmkinliliyi, fikir və rəyini ifadə etmək qabiliyyəti;

- təşəbbüskarlığı, analitik düşünmə qabiliyyəti, hadisələri obyektiv qiymətləndirmək, problemlərin həlli ilə bağlı qərar çıxarmaq bacarığı.

Müsahibənin nəticəsinə görə ən çox 20 bal toplamaq mümkündür, ən azı 16 bal toplamış namizəd müsahibə mərhələsini müvəffəqiyyətlə keçmiş hesab olunur .

Vakant vəzifələr üzrə hazırlanmış müsahibə proqramları əsasında namizədlərin bilik və bacarıqları yoxlanılacaqdır. 

Müsabiqədə ən yüksək nəticə əldə edən namizədin vakant vəzifəyə təyinatı aparılır.

 Müsahibələr Komitənin Bakı şəhəri, İnşaatçılar prospekti 2 ünvanında yerləşən inzibati binasında keçiriləcəkdir. Namizədlər müsahibələrin keçirilmə vaxtı barədə məlumatları namizədlərin müsahibədə iştirakı ilə bağlı qeydiyyatı başa çatdıqdan sonra Komitənin www.customs.gov.az saytında yerləşdiriləcək müsahibələrin keçirilməsi qrafikindən əldə edə bilərlər. 

Azərbaycan Respublikasının 

Dövlət Gömrük Komitəsinin 

İnsan Resursları İdarəsi

Telefon: (+994 012) 404-22-00 (daxili: 0112, 0117, 0129)

e-poçt: hr@customs.gov.az

Hörmətli istifadəçi, hazırda qeydiyyat başa çatmışdır.

• Azərbaycan Respublikasının 1999-cu il 7 dekabr tarixli 768-IQ nömrəli Qanunu ilə təsdiq edilmiş “Gömrük orqanlarında xidmət haqqında Əsasnamə” (çıxarış)

• Azərbaycan Respublikası Prezidentinin 2010-cu il 12 noyabr tarixli 349 nömrəli Fərmanı ilə təsdiq edilmiş “Gömrük orqanlarına xidmətə qəbul ilə əlaqədar müsabiqənin keçirilməsi Qaydası”

• Azərbaycan Respublikası Dövlət Gömrük Komitəsinin 2022-ci il 13 dekabr tarixli 1000/284 nömrəli Sərəncamı ilə təsdiq edilmiş “Gömrük orqanlarına xidmətə müsabiqə vasitəsilə qəbul qaydaları haqqında Təlimat”

-test imtahanı proqramı

-müsahibə proqramları

Hörmətli həmkarlar,

Azərbaycan Respublikası Dövlət Gömrük Komitəsinin aparatı, Komitənin strukturuna daxil olan gömrük orqanları və tabeliyində olan digər qurumlar (bundan sonra – Komitə) üzrə vəzifə dəyişikliyində və vəzifədə irəli çəkilmə zamanı şəffaflığın və rəqabətliliyin təmin olunması, gömrük sistemində çalışan potensiallı və zəruri səriştələrə malik kadrların müəyyən edilməsi və vakant vəzifələr üzrə kadr ehtiyaclarının səmərəli qaydada ödənilməsinin təmin edilməsi prioritet hədəflərdən biridir. 

Bundan irəli gələrək, Komitə sistemində mövcud olan vakant inspektor,  böyük inspektor və baş inspektor vəzifələrinin tutulması ilə bağlı növbəti daxili müsabiqə elan edilir və müsabiqə elanı üzrə qeydiyyat 1 iyun 2023-cü il tarixdə başlanacaqdır.

Daxili müsabiqədə aşağıdakı tələblərə cavab verən gömrük orqanlarının vəzifəli şəxsləri iştirak edə bilər:

• Ali təhsili olan;
• Son 6 ay ərzində barəsində intizam tənbehi tətbiq edilməyən; 
• Gömrük orqanlarında azı 2 il xidmət edən.

Qeyd: Xidmətdə olmanın son yaş həddinə çatan gömrük əməkdaşları daxili müsabiqədə iştirak etmək üçün müraciət etdikdə qeydiyyata alınmayacaqlar.

Müsabiqə aşağıdakı mərhələlərdən ibarətdir:

1. Qeydiyyat –“Səriştə üzrə Anket”;
2. Səriştəlilik və ümumi normativ hüquqi aktlara dair biliklərin yoxlanılması testi;
3. Qrup çalışmaları və təqdimat;
4. Situativ və panel müsahibə.

      Gömrük orqanlarının vəzifəli şəxslərinin potensial imkanlarının qiymətləndirilməsi məqsədilə Dövlət Gömrük Komitəsinin 6 oktyabr 2022-ci il tarixli 1000/231 nömrəli sərəncamı ilə yaradılmış Komissiyanın rəyinə əsasən müsabiqənin bütün mərhələlərindən uğurla keçən namizədə yalnız 1 vakant vəzifə təklif ediləcək.

      Müsabiqədən uğurla keçərək vakant vəzifəyə təyin edilməyən şəxslər Komitənin ehtiyat kadrlar siyahısına daxil edilir və 1 il müddətində ehtiyat kadr kimi saxlanılır. Vakant yer yarandıqda ehtiyat kadr kimi saxlanılan şəxslər müvafiq vəzifəyə təyin edilirlər. Ehtiyatda olduğu müddətdə təklif edilən vakant vəzifədən imtina edən şəxslər ehtiyat kadr siyahısından çıxarılırlar.

Müsabiqədə qeydiyyatdan keçmək üçün əlavə olunmuş “Səriştə üzrə Anket” formasını dolduraraq 1-15 iyun 2023-cü il tarixlərdə hr@customs.gov.az ünvanına göndərməyiniz xahiş olunur.

      Daxili müsabiqə elanı üzrə biliklərin yoxlanılmasına dair proqram bu elanın əlavəsində verilmişdir. Həmçinin bu proqramı Komitənin www.customs.gov.az rəsmi saytında “Komitə” bölməsinin “Xidmətə qəbul” alt bölməsində yerləşdirilmiş “Daxili müsabiqə elanı üzrə biliklərin yoxlanılmasına dair proqram” başlıqlı məlumatdan (PDF) əldə edə bilərsiniz.

Əlavə olaraq bildiririk ki, 6 oktyabr 2022-ci il tarixdə elan edilmiş daxili müsabiqə elanı üzrə uğur əldə etmiş 35 gömrük əməkdaşından 27-si daha yüksək vəzifəyə təyin edilmiş, digər 8 gömrük əməkdaşı isə Komitədə ehtiyat kadrlar siyahısına daxil edilmişdir. Ehtiyat kadrlar siyahısına daxil edilmiş əməkdaşlar vakant vəzifələr yarandığı təqdirdə müvafiq vəzifələrə təyin ediləcəkdir.

     Əlaqələndirici şəxs: Günay Şükürzadə (0118)

Hörmətlə,

İnsan Resursları İdarəsi