Dövlət Gömrük Komitəsinin əməkdaşı dördüncü “Yüksəliş” müsabiqəsinin qalibi olub

Ölkəmizdə idarəetmə sahəsinin peşəkarları arasında təşkil olunmuş ilk müsabiqə hesab olunan “Yüksəliş”in builki finalı 19-21 iyul tarixlərində baş tutub. Müsabiqənin final mərhələsində 118 namizəd iştirak edib. Bakı Baş Gömrük İdarəsinin əməkdaşı Şəfəq Həsənəlizadə müsabiqəni uğurla başa vuraraq qalib adını qazanan 25 nəfərdən biri olub.

Qeyd edək ki, "Yüksəliş" müsabiqəsinin dördüncü mövsümünün yarımfinal və final mərhələlərinin ümumi konsepti "Təbiəti Yaşıllaşdır, Dünyanı Yaxşılaşdır" şüarı ilə Prezident İlham Əliyevin Sərəncamına əsasən elan edilən "Yaşıl dünya naminə həmrəylik ili"nə həsr olunub.

DGK Mətbuat və İctimaiyyətlə Əlaqələr İdarəsi