Səyahətçilər üçün ümumi məlumat

18 yaşına çatmış hər bir fiziki şəxs gömrük sərhədindən keçərkən bu qaydalara əməl etməlidir. Təyinatı istehsal, yaxud kommersiya məqsədləri üçün nəzərdə tutulmayan, zəruri ehtiyacların ödənilməsi üçün nəzərdən tutulan şəxsi əşyalar və ya şəxsi istifadə məqsədilə zəruri olan miqdarda dərman vasitələrinə görə gömrük ödənişləri ödənilmir. Fiziki şəxslər hər ay ərzində bir dəfə olmaqla, gömrük ərazisinə gətirilən 1,5 litr alkoqollu içki, 200 ədəd siqaret, 20 qram qızıldan hazırlanmış zərgərlik məmulatı, 0,5 karat almaz, 30 kiloqrama qədər müxtəlif növ ərzaq məhsulları, gömrük ərazisindən aparılan 5 kiloqram nərə cinsli balıq və 125 qrama qədər nərə cinsli balıq kürüsünü, həmçinin 2 ədəddən artıq olmamaq şərti ilə hər bir fiziki şəxs ümumi gömrük dəyəri 800 ABŞ dolları ekvivalenti məbləğindən çox olmayan eynicinsli malların gömrük ödənişləri ödəmədən gömrük sərhədindən keçirə bilərlər. Beynəlxalq poçt göndərişləri və ya daşıyıcı şirkət vasitəsilə eyni fiziki şəxsin adına ay ərzində ümumi gömrük dəyəri 300 ABŞ dollarından artıq olmayan malları bəyan etməklə güzəştli qaydada gömrük ərazisinə gətirə bilərsiniz. Əlavə suallar üçün Dövlət Gömrük Komitəsinin 195 qaynar xəttinə, www.customs.gov.az saytına və Komitənin sosial şəbəkələrdəki rəsmi səhifələri vasitəsilə müraciət edə bilərsiniz.

18 yaşına çatmış hər bir fiziki şəxs gömrük sərhədindən keçərkən bu qaydalara əməl etməlidir. Özünüz də gömrük prosedurlarına əməl etməklə məhdudiyyət olmadan ölkəyə nağd şəkildə valyuta gətirə bilərsiniz. Ölkədən isə 10000 (on min) dollar ekvivalentinədək olan xarici valyutanı və 20000 (iyirmi min) manatadək olan valyutanı şifahi formada bəyan etməklə çıxara bilərsiniz. Bununla yanaşı, 20000 manat və ondan yuxarı məbləğdə olan milli valyutanı və nominal məbləğindən asılı olmayaraq milli valyutada ifadə olunmuş yubiley və xatirə pul nişanlarını yazılı formada bəyan etməklə nağd şəkildə çıxara bilərsiniz. 50000 (əlli min) dollar ekvivalentinədək olan xarici valyutanı, onun əvvəllər ölkəyə nağd şəkildə gətirilməsini təsdiq edən gömrük sənədlərini təqdim edərək nağd şəkildə çıxara bilərsiniz. 50000 min dollar ekvivalentindən artıq olan xarici valyutanın çıxarılması yalnız müvəkkil banklar və poçt rabitəsinin milli operatorları vasitəsilə köçürülmə yolu ilə həyata keçirilir və bu halda valyuta gətirilən ölkənin müvafiq bank və bu vəsaitin ona nağd şəkildə verilməsini təsdiq edən arayış təqdim edilməlidir. Əlavə suallar üçün Dövlət Gömrük Komitəsinin 195 qaynar xəttinə, www.customs.gov.az saytına və Komitənin sosial şəbəkələrdəki rəsmi səhifələri vasitəsilə müraciət edə bilərsiniz.

18 yaşına çatmış hər bir fiziki şəxs gömrük sərhədindən keçərkən bu qaydalara əməl etməlidir. Qanunla dövriyyəsi qadağan olunan xidməti və mülki silahları, hərbi təyinatlı bütün əşyaları, partlayıcı maddələri, hərbi texnikaları, radioaktiv maddələri, narkotik vasitələri, psixotrop maddələr və onların prekursorları və onlardan istifadə üçün ləvazimatı, əxlaq pozğunluğunu, zorakılığı, terrorizmi təbliğ və reklam edən materialları, narkotik vasitələrin, psixotrop, zəhərləyici, partlayıcı maddələrin hazırlanması texnologiyasına aid materialları ölkəyə gətirmək qadağandır. Qeyd edək ki, əcnəbilər üçün də gömrük sərhədindən keçid qaydaları Azərbaycan vətəndaşlarına şamil olunan qaydalarla eynidir. Yadda saxlayın ki, hər bir vətəndaş Azərbaycan Respublikasının qanunları qarşısında cavabdehdir. Əlavə suallar üçün Dövlət Gömrük Komitəsinin 195 qaynar xəttinə, www.customs.gov.az saytına və Komitənin sosial şəbəkələrdəki rəsmi səhifələri vasitəsilə müraciət edə bilərsiniz.