Külli miqdarda siqaretlər aşkar edilib

Naxçıvan Baş Gömrük İdarəsinin əməkdaşları tərəfindən İran İslam Respublikasından tranzit keçməklə Naxçıvan-Bakı istiqamətində hərəkət edən və qarışıq yük daşıyan nəqliyyat vasitəsinə gömrük baxışı keçirilib.

Yoxlama zamanı nəqliyyat vasitəsinin qoşqusundakı yüklərin arasında gömrük nəzarətindən gizlədilən və Azərbaycan Respublikasının aksiz markası ilə markalanmayan 2 adda, ümumilikdə 60 000 ədəd siqaret aşkar edilib.

Faktla bağlı araşdırma aparılır.

DGK Mətbuat və İctimaiyyətlə Əlaqələr İdarəsi