Xeyli miqdarda dərman vasitələri aşkarlanıb

Hava Nəqliyyatında Baş Gömrük İdarəsinin əməkdaşları xeyli miqdarda  dərman vasitələrinin gömrük sərhədindən qanunsuz yolla keçirilməsinin qarşısını alıblar.

Moskva-Bakı aviareysi ilə gələn iki Azərbaycan Respublikası vətəndaşı "Yaşıl kanal" buraxılış sistemi vasitəsi ilə gömrük zonasını tərk edən zaman hərəkətlərində şübhə yarandığı üçün  "Qırmızı kanal"a yönləndirilərək əl və baqaj yüklərinə rentgen qurğusu vasitəsilə baxış keçirilib.

Yoxlama zamanı hər iki şəxsdən gömrük orqanlarına bəyan edilməyən, ümumilikdə 228597 ədəd dərman vasitəsi aşkar edilib.

Faktla bağlı araşdırma aparılır.

                                                   DGK Mətbuat və İctimaiyyətlə Əlaqələr İdarəsi