Biznes nümayəndələrinə gömrük xidməti tərəfindən həyata keçirilən layihələr barədə məlumat verilib

Xarici ticarət iştirakçıları ilə növbəti görüş Tovuz Gömrük İdarəsində keçirilib.

Görüşdə sahibkar və vətəndaşların məmnunluğunun təmin olunmasının gömrük orqanlarının əsas hədəflərindən biri olduğu qeyd edilib, həmçinin son dövrlərdə gömrük xidməti tərəfindən həyata keçirilən layihələrdən bəhs olunub.

Eyni zamanda gömrük sistemində rəqəmsallaşmanın genişləndirilməsi istiqamətində görülən işlər, bu məqsədlə tətbiq edilən “ÖZÜNET” layihəsinin yaratdığı imkanlar və xidmətlərdən söhbət açılıb.

Yekunda biznes nümayəndələrinin təklif və rəyləri dinlənilib, onları maraqlandıran suallar ətraflı cavablandırılıb.

DGK Mətbuat və İctimaiyyətlə Əlaqələr İdarəsi