Gömrük-biznes əməkdaşlığı çərçivəsində növbəti görüş Sumqayıt Gömrük İdarəsində keçirilib

Sumqayıt Gömrük İdarəsində “Azerfloat” Qapalı Səhmdar Cəmiyyətin nümayəndə heyəti ilə görüş keçirilib.

Dövlət Gömrük Komitəsinin ərazi və ixtisaslaşdırılmış gömrük idarələrin, gömrük postlarının nümayəndələrinin də iştirak etdiyi görüşdə malların gömrük dəyərinin düzgün müəyyən edilməsinə dair məsələlər müzakirə edilib.

“Azerfloat” QSC-nin mütəxəssisləri tərəfindən təqdimat nümayiş etdirilib, idxal-ixrac əməliyyatları zamanı ortaya çıxan məsələlərlə bağlı fikir mübadiləsi aparılıb.

Görüşdən sonra “Azerfloat” Qapalı Səhmdar Cəmiyyətində istehsal prosesi əyani şəkildə izlənilib, gömrük əməkdaşlarına müəssisənin fəaliyyəti, məhsul çeşidləri, ixrac potensialı barədə məlumat verilib.

DGK Mətbuat və İctimaiyyətlə Əlaqələr İdarəsi