Dövlət Gömrük Komitəsində müşavirə keçirilib

Oktyabrın 21-də Dövlət Gömrük Komitəsində 2024-cü ilin 9 ayının yekunlarına həsr olunan əməliyyat müşavirəsi keçirilib.

Müşavirədə ərazi və ixtisaslaşmış gömrük idarələrinin cari ilin 9 ayı ərzindəki fəaliyyətləri barədə ötən ilin müvafiq dövrü ilə müqayisəli təhlilinə əsaslanan hesabatlar dinlənilib.

Həmçinin gömrük orqanlarının 9 ay ərzindəki fəaliyyəti barədə məlumatlar və əldə olunan nəticələrin təhlili aparılıb, gömrük işinin səmərəliliyinin daha da artırılması, 2024-cü il ərzində müəyyən olunmuş məqsədlərə çatmaq üçün konkret tapşırıq və tövsiyələr verilib.

DGK Mətbuat və İctimaiyyətlə Əlaqələr İdarəsi