“Yaşıl dünya naminə həmrəylik ili” çərçivəsində növbəti ağacəkmə aksiyaları keçirilib

“Yaşıl dünya naminə həmrəylik ili” çərçivəsində Naxçıvan Baş Gömrük İdarəsində, Xaçmaz və Gəncə gömrük idarələrində ağacəkmə aksiyaları keçirilib.

Xaçmaz Gömrük İdarəsi və Xaçmaz Rayon İcra Hakimiyyətinin birgə  təşkilatçılığı ilə keçirilən aksiya çərçivəsində gömrük əməkdaşları tərəfindən  rayonun Xanoba kəndi ərazisində 150 ədəd şam ağacı əkilib.

Gəncə Gömrük İdarəsinin “Yevlax” gömrük postunun əməkdaşları isə postun ərazisində şam ağacları əkib, yaşıllıq zonalarına qulluq göstəriblər.

Aksiya çərçivəsində Naxçıvan Baş Gömrük İdarəsinin “Culfa” gömrük postunun ərazisində isə  50 ədəd müxtəlif növ meyvə ağacları əkilib.

DGK Mətbuat və İctimaiyyətlə Əlaqələr İdarəsi