“Poçt və ekspres daşımalar” gömrük postunda “Açıq qapı” günü keçirilib
“Poçt və ekspres daşımalar” gömrük postunda “Açıq qapı” günü keçirilib
"Poçt və ekspres daşımalar" gömrük postunda gömrük təmsilçiləri və xarici ticarət iştirakçıları üçün “Açıq qapı” günü keçirilib.
Görüşdə gömrük xidməti tərəfindən həyata keçirilən layihələr barədə məlumat verilib, tətbiq edilən yeniliklərin gömrük rəsmiləșdirilməsinin daha da sadələşdirilməsi, gömrük bəyannaməsinin doldurulması prosesinin təkmilləşdirilməsi, rəqəmsal həllər hesabına vaxt və vəsaitə qənaət edilməsi baxımından əlavə imkanlar yaratdığı diqqətə çatdırılıb.
Daha sonra “Azərpoçt” MMC-nin səlahiyyətli nümayəndələrinin iştirakı ilə gömrük təmsilçiləri və biznes nümayəndələri bağlamaların “Poçt Daşıma Mərkəzi”nə daxil olduğu andan etibarən həyata keçirilən əməliyyatların ardıcıllığına dair proseslər barədə əyani olaraq məlumatlandırılıb.
Eyni zamanda bəyanetmə zamanı qarşıya çıxan məsələlərlə bağlı müzakirə aparılıb, səsləndirilən təklif və rəylər dinlənib, suallar ətraflı cavablandırılıb.
DGK Mətbuat və İctimaiyyətlə Əlaqələr İdarəsi