Xarici ticarət iştirakçıları ilə görüş keçirilib

Balakən Gömrük İdarəsinin təşəbbüsü ilə Zaqatala rayonunun ərazisində yerləşən “Agrarco” MMC Fındıq emalı zavodunda xarici ticarət iştirakçıları ilə görüş keçirilib.

Görüşdə “Azərbaycan Respublikasında idxal-ixrac əməliyyatlarının tənzimlənməsi Qaydaları”, ixrac əməliyyatları zamanı əldə olunmuş vəsaitin qanunverciliyə uyğun olaraq ölkəyə gətirilməsi, bu istiqamətdə qanunvericilikdə müəyyənləşdirilən müddət və hüquqi məsuliyyət tədbirləri barədə məlumat verilib, fikir mübadiləsi aparılıb.

Eyni zamanda, “Azərbaycan Respublikasında idxal-ixrac əməliyyatlarının tənzimlənməsi Qaydaları” barədə təqdimat nümayiş etdirilib və xarici ticarət iştirakçılarının sualları cavablandırılıb.

Görüş çərçivəsində gömrük əməkdaşları “Agrarco” MMC-nin Fındıq emalı zavodu ilə tanış olub, istehsal prosesini əyani şəkildə izləyiblər. 

DGK Mətbuat və İctimaiyyətlə Əlaqələr İdarəsi