Baş Gömrük Mühafizə Xidmətində Zəfər Günü qeyd edilib

Baş Gömrük Mühafizə Xidmətində 8 Noyabr - Zəfər Günü münasibətilə tədbir keçirilib.

Tədbirdə Vətən müharibəsində Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusunun qazandığı şanlı qələbənin tarixi əhəmiyyətindən, ərazi bütövlüyümüzün bərpa olunması üçün canlarından keçən şəhidlərimizin və qazilərimizin qəhrəmanlıqlarından bəhs edilib.

Baş Gömrük Mühafizə Xidmətinin Vətən Müharibəsində iştirak edən əməkdaşları Azərbaycan ordusunun şanlı döyüş yolu barədə xatirələrini bölüşüblər.  

Daha sonra “Yaşıl dünya naminə həmrəylik ili” çərçivəsində ağacəkmə aksiyası keçirilib. Baş Gömrük Mühafizə Xidmətinin ərazisində şam ağacları əkilib, yaşıllıq zonasına qulluq göstərilib.

DGK Mətbuat və İctimaiyyətlə Əlaqələr İdarəsi