Dəniz Nəqliyyatı və Enerji Resursları Baş Gömrük İdarəsində Zəfər Günü qeyd edilib

Dəniz Nəqliyyatı və Enerji Resursları Baş Gömrük İdarəsində 8 Noyabr - Zəfər Günü münasibətilə tədbir keçirilib.

Öncə ölkəmizin ərazi bütövlüyü uğrunda canından keçən şəhidlərimizin xatirəsi bir dəqiqəlik sükutla yad edilib və Dövlət Himni səslənib.

Tədbirdə Vətən müharibəsində qazanılan qələbənin tarixi əhəmiyyətindən, Müzəffər Ali Baş Komandan İlham Əliyevin rəhbərliyi ilə Azərbaycan Ordusunun uğurlu hərbi əməliyyatlarından, qəhrəman hərbçilərimizin Zəfər yolundan bəhs edilib.

Sonda idarə əməkdaşlarının hazırladığı “Zəfər yolu” videoçarxı nümayiş etdirilib.

DGK Mətbuat və İctimaiyyətlə Əlaqələr İdarəsi