Zəfər Günü İlə bağlı tədbirlər keçirilib

8 Noyabr - Zəfər Günü münasibətilə Dövlət Gömrük Komitəsinin Kinoloji Mərkəzində və “Şirvan” gömrük postunda tədbirlər keçirilib.

Kinoloji Mərkəzdə Zəfər Günü və Dövlət Bayrağı Günü münasibətilə keçirilən tədbirdə şəhidlərin xatirəsi bir dəqiqəlik sükutla yad edilib.

Bildirilib ki, Müzəffər Ali Baş Komandan İlham Əliyevin rəhbərliyi ilə Azərbaycan Ordusunun qazandığı tarixi zəfər nəticəsində ərazi bütövlüyümüz bərpa olunub və Azərbaycan öz inkişaf dövrünün yeni mərhələsinə qədəm qoyub.

“Şirvan” Gömrük Postunda da Zəfər Günü münasibətilə tədbir keçirilib. Tədbirdə tarixi qələbəmizin Müzəffər Ali Baş Komandan İlham Əliyevin düşünülmüş, uzaqgörən və qətiyyətli siyasəti, Azərbaycan Ordusunun rəşadəti və xalqımızın bilrliyi hesabına əldə olunduğu vurğulanıb, bu yolda canından keçən qəhrəman şəhidlərimizin əziz xatirəsinin hər zaman yaşadılacağı diqqətə çatdırılıb.

Tədbir çərçivəsində gömrük əməkdaşları Şirvan şəhərindəki şəhidlər xiyabanını ziyarət edib, şəhidlərin ruhuna dualar oxuyublar. 

DGK Mətbuat və İctimaiyyətlə Əlaqələr İdarəsi