İki ölkənin gömrük orqanları arasında əməkdaşlığın perspektivləri müzakirə olunub

Noyabrın 19-da Dövlət Gömrük Komitəsində BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində ölkəmizdə səfərdə Oman Sultanlığı Kral Oman Polisi Gömrük Baş Direktorluğunun rəhbəri Səid bin Xamis Əl Qaiti ilə görüş keçirilib.

Görüşdə COP29 çərçivəsində “Yaşıl Gömrük” təşəbbüsü ilə bağlı keçiriləcək tədbirin əhəmiyyətindən danışılıb, həmçinin iki ölkənin gömrük qurumları arasında əməkdaşlığın gücləndirilməsi, gömrük işinin müxtəlif sahələrində qarşılıqlı təcrübə və məlumat mübadiləsi, əlaqələrin perspektivləri ilə bağlı müzakirələr aparılıb.

DGK Mətbuat və İctimaiyyətlə Əlaqələr İdarəsi