“Yaşıl dünya naminə həmrəylik ili” çərçivəsində növbəti ağacəkmə aksiyaları keçirilib

Bakı Baş Gömrük İdarəsinin əməkdaşları “Yaşıl dünya naminə həmrəylik ili” çərçivəsində Qaradağ rayonunun Müşfiqabad qəsəbəsində Ekologiya və Təbii Sərvətlər nazirliyinin ayırdığı xüsusi ərazidə Eldar şamı və zeytun ağacları əkiblər.

Naxçıvan Muxtar Respublikasının yaranmasının 100-cü ildönümü və “Yaşıl dünya naminə həmrəylik ili”nə həsr olunmuş ağacəkmə aksiyasında isə Naxçıvan Baş Gömrük İdarəsinin “Sədərək” gömrük postu ərazisində müxtəlif meyvə tingləri əkilib.

DGK Mətbuat və İctimaiyyətlə Əlaqələr İdarəsi