"Yaşıl dünya naminə həmrəylik ili” çərçivəsində növbəti ağacəkmə aksiyaları keçirilib

Tovuz Gömrük İdarəsinin əməkdaşları “Yaşıl dünya naminə həmrəylik ili” çərçivəsində Tovuz rayonun ərazisində Eldar şamı ağacları əkiblər.

Naxçıvan Muxtar Respublikasının yaranmasının 100-cü ildönümü və “Yaşıl dünya naminə həmrəylik ili”nə həsr olunmuş ağacəkmə aksiyasında isə Naxçıvan Baş Gömrük İdarəsinin əməkdaşları tərəfindən Naxçıvan şəhəri ərazisində müxtəlif meyvə tingləri əkilib.

Şərqi Zəngəzur Gömrük İdarəsinin kollektivi isə Beyləqan rayonu ərazisində və idarənin həyətyanı sahəsində müxtəlif növ ağaclar əkib.

DGK Mətbuat və İctimaiyyətlə Əlaqələr İdarəsi