Biznes nümayəndələrinə gömrük sistemində həyata keçirilən layihələr barədə məlumat verilib

Gəncə Gömrük İdarəsinin təşkilatçılığı ilə “Gəncə Cihazqayırma Zavodu” ASC-də görüş keçirilib.

Gömrük əməkdaşları müəssisənin fəaliyyəti ilə tanış olub, burada istehsal edilən məhsullar barədə məlumat alıblar. Həmçinin istehsal prosesi əyani şəkildə izlənilib, qarşılıqlı maraq doğuran məsələlərlə bağlı fikir mübadiləsi aparılıb.

Görüş çərçivəsində gömrük sistemində aparılan təkmilləşdirilmələr, xüsusilə rəqəmsallaşmanın genişləndirilməsi, biznes proseslərin avtomatlaşdırılaraq asan, maneəsiz və sürətli şəkildə reallaşdırılması məqsədilə həyata keçirilən layihələrdən bəhs edilib, idxal-ixrac əməliyyatları zamanı qarşıya çıxan məsələlər müzakirə olunub.

DGK Mətbuat və İctimaiyyətlə Əlaqələr İdarəsi