İnsan resurslarının inkişafı sahəsində əməkdaşlığın perspektivləri müzakirə olunub

Dekabrın 4-də Dövlət Gömrük Komitəsində Koreya Respublikasının Gömrük Xidmətinin İnsan Resurslarının İnkişafı İnstitutunun nümayəndə heyəti ilə görüş keçirilib.

Görüşdə iki ölkənin gömrük orqanları arasındakı münasibətlərindən məmnunluqla bəhs edilib, son dövrlərdə gömrük sistemində tətbiq edilən layihələr, xüsusilə rəqəmsallaşmanın genişləndirilməsi istiqamətində görülən işlər barədə məlumat verilib, əməkdaşlığın genişləndirilməsi, əlaqələrin perspektivlərinə dair fikir mübadiləsi aparılıb.

Görüş çərçivəsində Azərbaycanda gömrük inzibatçılığının ümumi tərəfləri, görülən işlər və İnsan Resurları İdarəsinin fəaliyyətinin konseptual əsasları mövzusunda təqdimatlar nümayiş etdirilib.

DGK Mətbuat və İctimaiyyətlə Əlaqələr İdarəsi