Bolqarıstan gömrük xidmətinin əməkdaşı Kinoloji Mərkəzdə xüsusi təlim kursu keçib

Dövlət Gömrük Komitəsi və Bolqarıstan Maliyyə Nazirliyinin Milli Gömrük Agentliyi arasında əməkdaşlıq çərçivəsində Bolqarıstan gömrük xidmətinə təlim keçmiş  it hədiyyə edilib.

Bu məqsədlə də Dövlət Gömrük Komitəsinin Kinoloji Mərkəzində Bolqarıstan gömrük xidmətinin kinoloqu Xristina Qançeva Maksimova xüsusi təlim kursu keçib. Təlim kursunda bolqarıstanlı kinoloq xidməti itlə mütəmadi olaraq məşqlər edib, təlimçiyə uyğunlaşması istiqamətində yerli kinoloqların bilik və bacarıqlarından yararlanıb.

Qeyd edək ki, “malinua” cinsli Belçika çoban iti narkotik vasitələrin və psixotrop maddələrin, tütün məmulatlarının axtarışı üzrə təlim keçib.

DGK Mətbuat və İctimaiyyətlə Əlaqələr İdarəsi