Gömrük-biznes əməkdaşlığı çərçivəsində növbəti görüş keçirilib

Bakı Baş Gömrük İdarəsinin və Mərkəzi Gömrük Ekspertiza İdarəsinin əməkdaşları “Technopack” MMC-də görüş keçiriblər.

Görüş gömrük-biznes əməkdaşlığının gücləndirilməsi, eyni zamanda biznes subyektlərinin gömrük sistemində tətbiq edilən yeniliklər, təkmilləşdirilmələr barədə məlumatlandırılması, onların tətklif və rəylərinin öyrənilməsi məqsədilə təşkil olunub.

Daxildə emal xüsusi gömrük prosedurundan istifadə edən “Technopack” MMC-nin nümayəndələri ilə əməliyyatların asan və sürətli şəkildə həyata keçirilməsi ilə bağlı fikir mübadiləsi aparılıb.

Görüş zamanı gömrükçülər xammalın qəbulundan etibarən istehsal prosesinin müxtəlif mərhələlərini əyani olaraq müşahidə ediblər.

DGK Mətbuat və İctimaiyyətlə Əlaqələr İdarəsi