Külli miqdarda aksiz markasız siqaretlər aşkar edilib

Hava Nəqliyyatında Baş Gömrük İdarəsinin əməkdaşlarının həyata keçirdiyi tədbirlər çərçivəsində 2 fakt üzrə ölkə ərazisinə qanunsuz yollarla gətirilən və aksiz markası ilə markalanmayan külli miqdarda siqaretin realizə edilməsinin qarşısı alınıb.

Bakı şəhəri Xətai və Suraxanı rayonları ərazisində Azərbaycan Respublikası vətəndaşlarının idarə etdiyi nəqliyyat vasitələrinə baxış keçirilib və avtomobillərdən üzərində aksiz markası olmayan 44800 ədəd siqaret aşkar edilib.

Hər iki faktla bağlı araşdırma aparılır.

DGK Mətbuat və İctimaiyyətlə Əlaqələr İdarəsi