Gömrük-biznes əməkdaşlığı çərçivəsində növbəti görüş keçirilib

Gəncə Gömrük İdarəsinin təşəbbüsü ilə “Azerbaijan Poultry Company” MMC-də görüş keçirilib.

Görüş biznes subyektlərinin gömrük sistemində həyata keçirilən yeniliklər barədə məlumatlandırılması məqsədilə təşkil olunub. Gömrük əməkdaşları quşçuluq müəssisəsinin fəaliyyəti və istehsal edilən məhsulların çeşidləri ilə yaxından tanış olublar. “Azerbaijan Poultry Company” MMC-nin əməkdaşları tərəfindən gömrük əməkdaşlarına istehsal prosesinin mərhələləri barədə ətraflı məlumat verilib.

Sonda xarici ticarət iştirakçıları rəsmiləşdirmə proseslərinin sürətləndirilməsi istiqamətində tətbiq edilən yeniliklər barədə məlumatlandırılıblar, onların rəy və təklifləri dinlənilib, suallar ətraflı cavablandırılıb.

DGK Mətbuat və İctimaiyyətlə Əlaqələr İdarəsi