Abşeron Logistika Mərkəzinə infotur təşkil olunub

Dövlət Gömrük Komitəsi və Azərbaycan Texniki Universitetinin birgə təşkilatçılığı ilə AzTU-nun SABAH qruplarının tələbələrinin Abşeron Logistika Mərkəzinə infoturu təşkil olunub.

Gömrük işinin təşkili sahəsində tələbələrin məlumatlandırılması məqsədilə təşkil olunan tədbirdə Abşeron Logistika Mərkəzinin fəaliyyəti, eləcə də idxal-ixrac əməliyyatları zamanı gömrük orqanları tərəfindən həyata keçirilən gömrük nəzarəti və gömrük rəsmiləşdirilməsi prosesləri barədə infotur iştirakçılarına ətraflı məlumat verilib, onları maraqlandıran suallar cavablandırılıb.

Daha sonra isə tələbələr mərkəzin ərazisində həyata keçirilən əməliyyatlar, gömrük işinin təşkili ilə əyani şəkildə tanış olublar.

DGK Mətbuat və İctimaiyyətlə Əlaqələr İdarəsi