“Texniki nəzarət vasitələrindən istifadə qaydaları” mövzusunda təlimlər keçirilib

Naxçıvan Baş Gömrük İdarəsində  “Texniki nəzarət vasitələrindən istifadə qaydaları” mövzusunda silsilə təlimlər keçirilib.

Dövlət Gömrük Komitəsinin Texniki nəzarət vasitələri şöbəsinin mütəxəssislərinin iştirakı ilə baş tutan təlimlərdə  yoxlama baxış sistemlərinin və baxış-rentgen texnikalarının istismar qaydaları, X-Ray təsvirlərinin analizi, radiasiya təhlükəsizliyi və digər avadanlıqlardan istifadə ilə bağlı nəzəri və praktiki məşğələlər keçirilib.

Təlimin yekununda gömrükçülərin nəzəri biliklərinin və praktiki bacarıqlarının yoxlanılması məqsədilə test tapşırıqları və X-Ray görüntülərinin analizi üzrə imtahan təşkil edilib.

DGK Mətbuat və İctimaiyyətlə Əlaqələr İdarəsi