Gömrük orqanlarında 20 Yanvar şəhidlərinin xatirəsi anılıb

20 Yanvar Ümumxalq Hüzn Günü münasibətilə Dövlət Gömrük Komitəsinin ərazi və ixtisaslaşmış gömrük orqanlarında tədbirlər keçirilib, şəhidlərin xatirəsi ehtiramla yad olunub.

Bildirilib ki, yanvarın 19-dan 20-nə keçən gecə sovet ordusunun tanklarının, zirehli texnikalarının qarşısına sinəsini sipər edən qəhrəman şəhidlərimiz Azərbaycan xalqının azadlıq, müstəqillik mübarizəsinin dönməz olduğunu sübut etdilər.

O da qeyd olunub ki, 20 Yanvar hadisələri bəşəriyyətə, insanlığa qarşı törədilmiş terror aktıdır və azadlığa aparan yolda canlarından keçən qəhrəman şəhidlərimizin əziz xatirəsi daim xalqımızın qəlbində yaşayacaq.

DGK Mətbuat və İctimaiyyətlə Əlaqələr İdarəsi