Xarici ticarət iştirakçıları ilə növbəti görüş Tovuz Gömrük İdarəsində keçirilib

Tovuz Gömrük İdarəsində xarici ticarət iştirakçıları ilə növbəti görüş keçirilib.

Tədbir zamanı “Gömrük dəyərinin müəyyən edilməsi üsullarının tətbiqinə dair Qaydalar”, bu sahəni tənzimləyən digər qanunvericilik aktları, həmçinin praktiki mövzular barədə biznes nümayəndələrinə məlumat verilib.

Görüşdə həmçinin, gömrük-biznes əməkdaşlığının gücləndirilməsi, könülli riayət prinsipinin təşviqi istiqamətində atılan addımlardan bəhs olunub, xarici ticarət iştirakçılarının təklif və rəyləri dinlənilib, onları maraqlandıran suallar ətraflı cavablandırılıb.

DGK Mətbuat və İctimaiyyətlə Əlaqələr İdarəsi