Yanğın təhlükəsizliyi qaydalarına dair təlim keçirilib

Tovuz Gömrük İdarəsinin təşəbbüsü ilə “Qırmızı Körpü” gömrük postunda Gəncə Regional Dövlət Yanğın Nəzarət İdarəsinin əməkdaşları tərəfindən “Yanğın təhlükəsizlik qaydaları”na dair təlim keçirilib.

Təlimdə gömrük əməkdaşlarına nəzəri biliklər, yanğın təhlükəsi zamanı həyata keçiriləcək tədbirlər barədə məlumat verilib, təlimata uyğun hərəkət etməyin vacibliyi vurğulanıb.

Həmçinin yanğınsöndürən balonlardan istifadə qaydaları izah edilib, onların istifadəyə yararlı vəziyyətdə saxlanılması, yanğının söndürülməsinə dair praktiki təlimlər keçirilib.

DGK Mətbuat və İctimaiyyətlə Əlaqələr İdarəsi