Gömrük-biznes əməkdaşlığı çərçivəsində növbəti görüş keçirilib

Sumqayıt Gömrük İdarəsinin təşəbbüsü ilə Sumqayıt şəhərində fəaliyyət göstərən “All Doors” MMC-də görüş keçirilib.

Müəssisənin fəaliyyəti ilə yaxından tanış olan gömrük əməkdaşları istehsal prosesini əyani şəkildə izləyib, məhsul çeşidləri ilə tanış olublar.

Daha sonra gömrük sistemində tətbiq edilən yeniliklər, əməliyyatların asan və sürətli şəkildə reallaşdırılması, rəqəmsallaşmanın genişləndirilməsi istiqamətində görülən işlərdən bəhs edilib.

Eyni zamanda idxal-ixrac əməliyyatları zamanı qarşıya çıxan məsələlərlə bağlı fikir mübadiləsi aparılıb, biznes subyektlərinin rəy və təklifləri dinlənilib, onların sualları ətraflı cavablandırılıb.

DGK Mətbuat və İctimaiyyətlə Əlaqələr İdarəsi