Gömrük-biznes əməkdaşlığı çərçivəsində növbəti görüş keçirilib

Astara Gömrük İdarəsinin təşəbbüsü ilə “Lənkəran Konserv Zavodu” MMC-də görüş keçirilib.

Görüş sahibkarların gömrük sistemində həyata keçirilən yeniliklər və təkmilləşdirilmələr barədə məlumatlandırılması, onların təklif və rəylərinin öyrənilməsi məqsədilə təşkil olunub.

Gömrükçülərə müəssisənin fəaliyyəti, istehsal etdiyi məhsulların çeşidləri barədə geniş məlumat verilib, idxal-ixrac əməliyyatları zamanı qaşıya çıxan məsələlərlə bağlı fikir mübadiləsi aparılıb.

Daha sonra istehsal prosesi əyani şəkildə izlənilib, tərəfləri maraqlandıran suallar ətraflı cavablandırılıb.

DGK Mətbuat və İctimaiyyətlə Əlaqələr İdarəsi