Xarici ticarət iştirakçıları və gömrük təmsilçiləri ilə növbəti görüş keçirilib

Aksizli Mallar üzrə Baş Gömrük İdarəsində xarici ticarət iştirakçıları və gömrük təmsilçiləri ilə növbəti görüş keçirilib.

Görüş biznes subyektlərinin gömrük sistemində yeniliklər barədə məlumatlandırılması, onların idxal-ixrac əməliyyatları zamanı qarşılaşdıqları məsələlərin öyrənilməsi məqsədilə təşkil olunub.

Tədbirdə bəyanetmə prosesi, gömrük bəyannaməsinin və müvafiq sənədlərin təqdim edilməsi müddətinin pozulması, həmçinin gömrük ödənişlərinə dair qanunvericiliyin tələbləri barədə məlumat verilib, sahibkarların təklif və rəyləri dinlənilib.

Sonda biznes nümayəndələrinin sualları cavablandırılıb.

DGK Mətbuat və İctimaiyyətlə Əlaqələr İdarəsi