Xarici ticarət iştirakçıları ilə görüş keçirilib

“Şirvan” gömrük postunda xarici ticarət iştirakçıları ilə növbəti görüş keçirilib.

Görüşdə biznes subyektlərinə gömrük sistemində tətbiq edilən yeniliklər, gömrük inzibatçılığında aparılan təkmilləşdirilmələr barədə məlumat verilib.  

Bildirilib ki, xidmət səviyyəsinin yüksəldilməsi, məmnunluğun və şəffaflığın artırılması gömrük orqanlarının strateji hədəfləridir və bu istiqamətdə fəaliyyətin səmərəli şəkildə qurulmasında biznes subyektlərinin təklif və rəyləri mühüm əhəmiyyət daşıyır.

Daha sonra sahibkarları maraqlandıran digər mövzular ətrafında fikir mübadiləsi aparılıb, təklif və rəylər dinlənilib, onların sualları ətraflı cavablandırılıb.

DGK Mətbuat və İctimaiyyətlə Əlaqələr İdarəsi