Fövqəladə hallar zamanı davranış qaydaları və təxliyə ilə bağlı təlim keçirilib

Astara Gömrük İdarəsində “Fövqəladə hallar zamanı davranış qaydaları və təxliyə, yanğının yaranma səbəbləri və onun aradan qaldırılması" mövzusunda təlim keçirilib.

Fövqəladə Hallar Nazirliyinin Dövlət Yanğın Nəzarəti Xidmətinin əməkdaşlarının iştirakı ilə reallaşan təlimin keçirilməsində əsas məqsəd gömrükçülərə fövqəladə hallar, o cümlədən yanğın zamanı davranış qaydalarının aşılanması olub.

Təlimdə fövqəladə hallar, yanğın, təxliyə tədbirləri barədə ətraflı məlumat verilib, mövzular ətrafında fikir mübadiləsi aparılıb.

Tədbirin sonunda mövzuya dair videoçarx nümayiş etdirilib və iştirakçıları maraqlandıran suallar cavablandırılıb.

DGK Mətbuat və İctimaiyyətlə Əlaqələr İdarəsi