Gömrük orqanları arasında əməkdaşlığın perspektivləri müzakirə edilib

İyunun 17-də Dövlət Gömrük Komitəsində Macarıstanın Milli Vergi və Gömrük Administrasiyasının rəhbəri Ferenc Vagujhelyinin və Estoniya Vergi və Gömrük Şurasının sədri Raigo Uukkivinin rəhbərlik etdikləri nümayəndə heyətləri ilə görüşlər keçirilib.

Görüşlərdə gömrük orqanları arasında əməkdaşlıqdan məmnunluqla bəhs edilib, mövcud əlaqələrin perspektivləri ilə bağlı müzakirələr aparılıb, xüsusilə rəqəmsal gömrük, elektron ticarət, risklərin idarəolunması, ticarətin asanlaşdırılması sahəsində təcrübə mübadiləsinin vacibliyi diqqətə çatdırılıb.

Görüş çərçivəsində Dövlət Gömrük Komitəsinin tətbiq etdiyi yeniliklər, rəqəmsal həllər, həmçinin gələcək hədəflərə dair təqdimatlar nümayiş etdirilib.

DGK Mətbuat və İctimaiyyətlə Əlaqələr İdarəsi