"Zəka" müsabiqəsinin qalibləri ilə görüşlər keçirilib

“Zəka” - gömrük əməkdaşlarının karyera yüksəliş müsabiqəsinin qalibləri ilə növbəti görüşlər keçirilib.

Dövlət Gömrük Komitəsinin Mətbuat və İctimaiyyətlə Əlaqələr İdarəsi tərəfindən “Gömrük işi və Media” mövzusunda təqdimat nümayiş etdirilib, gömrük işinin təbliği və bu istiqamətdə cəmiyyətin məlumatlandırılması ilə bağlı ətraflı məlumat verilib.

Daxilolmalara Nəzarət Baş İdarəsində keçirilən görüşdə xüsusi təqdimat əsasında baş idarənin fəaliyyət istiqamətləri barədə məlumat verilib, qalibləri maraqlandıran suallar ətraflı cavablandırılıb.

Aksizli Mallar üzrə Baş Gömrük İdarəsinin fəaliyyəti ilə əyani şəkildə tanış olan müsabiqə qalibləri gömrük nəzarəti rəsmiləşdirilmə proseslərini izləyiblər.

DGK Mətbuat və İctimaiyyətlə Əlaqələr İdarəsi