“Təkmilləşdirilmiş Tranzit Sistemi və Məlumatların Ümumi Mübadiləsi” layihəsinin pilot mərhələsi üzrə iclas keçirilib

Özbəkistanın Daşkənd şəhərində Asiya İnkişaf Bankının Mərkəzi Asiya Regional İqtisadi Əməkdaşlıq (CAREC) Proqramı çərçivəsində həyata keçirilən “CAREC Təkmilləşdirilmiş Tranzit Sistemi və Məlumatların Ümumi Mübadiləsi” (CATS\ICE) layihəsinin pilot mərhələsinə dair texniki işçi qrupunun 6-cı iclası keçirilib.

Tədbirdə Azərbaycan, Gürcüstan və Özbəkistanın gömrük xidmətlərinin nümayəndələri iştirak ediblər.

Görüş zamanı CATS/ICE pilot fəaliyyətləri ətraflı şəkildə nəzərdən keçirilib, 2026-cı il üçün iş planı və yol xəritəsi müzakirə olunub, həmçinin pilot layihənin növbəti mərhələləri üzrə konkret addımlar müəyyənləşdirilib.

DGK Mətbuat və İctimaiyyətlə Əlaqələr İdarəsi