Dövlət Suverenliyi Günü ilə bağlı tədbirlər keçirilib

20 sentyabr - Dövlət Suverenliyi Günü ilə bağlı gömrük orqanlarında tədbirlər keçirilib.

Dəniz Nəqliyyatı və Enerji Resursları Baş Gömrük İdarəsi, Astara, Balakən və Xaçmaz gömrük idarələrində təşkil edilən tədbirlərdə Dövlət Suverenliyi Gününün əhəmiyyətindən, dövlətçiliyimizin möhkəmlənməsində həlledici rolundan danışılıb, eyni zamanda Ulu Öndər Heydər Əliyevin suverenliyimizin əldə olunması ilə bağlı əvəzsiz xidmətlərindən bəhs edilib. Müzəffər Ali Baş Komandan, Prezident İlham Əliyevin rəhbərliyi ilə rəşadətli Azərbaycan Ordusunun Vətən müharibəsində və antiterror əməliyyatında qazandığı qələbələrdən söz açılıb.

Yekunda Dövlət Suverenliyi Günü  ilə bağlı videoçarxlar nümayiş etdirilib.

DGK Mətbuat və İctimaiyyətlə Əlaqələr İdarəsi